دانلود آهنگ جدید بایگانی مهر ۱۳۹۶ :: اللهم عجل الولیک الفرج

دانلود آهنگ جدید

اللهم عجل الولیک الفرج

هرکه داردهوس کربوبلا بسم الله...

اللهم عجل الولیک الفرج

هرکه داردهوس کربوبلا بسم الله...

اللهم عجل الولیک الفرج

برمشامم میرسد هر جمعه بوی انتظار

بردلم ترسم بماند آرزوی وصل یار

تشنه ی دیدار یارم، معصیت مهلت بده

تا بمیرم دررکابش با کمال افتخار

الّلهُمَّ صَلّی
عَلْی مُحَمَّدٍ
وَآلَ مُحَمَّدٍ
ﻭﻋﺠﻞ ﻓﺮﺟﻬﻢ
تعجیل در امر فرج ۵ صلوات....

۲ مطلب در مهر ۱۳۹۶ ثبت شده است

ای عبد خدا گوهر یکدانه ابوالفضل 

عالم اولوب اول عشقیوه دیوانه ابوالفضل 


ذَرّ عالمی یازدی سنی بیر شمع فروزان

مینلر مَلک اولموش سنه پروانه ابوالفضل


جانلار سنه قوربان اولا ای بنده ی صالح

جان قابلی یوخ سن کیمی انسانه ابوالفضل


فتح ایلدین علقم سویونی پرچمی ویردین

گَتدین او زمان لشگری سن،جانه ابوالفضل


سن جنگ ائلییَن  لحظه،گوی اهلی دئدی تکبیر

حتی سنه احسن دیدی بیگانه ابوالفضل

 

آلدین اله پرچم،اولاسان حامی قرآن

یار اولدون حسینه همی قرآنه ابوالفضل

 

سن شیر خدا اوغلی ئوزون حیدر ثانی

اود ویردون او گون،لشگر عدوانه ابوالفضل


چوخ غیرتیله کفری یخیب دینی اوجاتدین

فخر ایتدی حسین صحنه ی میدانه ابوالفضل


جنتده ملائک گلیب عرض ائتدی علی جان

میداندا ائدیر جنگ دلیرانه ابوالفضل


باخ گور نجه لشکر توکولور برگ خزان تک

سالدی یره کفّاری شجاعانه ابوالفضل


افسوس که بیر جوت قولونی سالدیلا یارب!

علقمده باتیب باش گوزی القانه ابوالفضل


هئچ ایچمدین اصلا سودان اصغر سوسوزویدی

ای کاش دونیدی او سویی قانه ابوالفضل


شرمنده اولوب قیزلارین آخر عطشیندن

مشکیندکی سو آخدی بیابانه ابوالفضل


بیردن پوزولوب آغلادی عطشانلارا خاطر

بیر اوخ دَگوب اول دیده ی گریانه ابوالفضل


بیر مشک سویا بیر گوز ایکی قول ائدیب ایثار

آتدان یخلوب دوشدی غریبانه ابوالفضل


زهرا آناسی گلدی دئدی گل سینم اوسته

چوخ غم ییمه من گلمیشم افغانه ابوالفضل


سن جانیوی قربان ائلدین جان حسینه

زهرا اولا قوربان بئله قربانه ابوالفضل


قوی منده ئوپوم اوخ ئوپَن اول قانلی گوزوندن

کیم طاقت ائدر بیر بئله پیکانه ابوالفضل


عرض ایلدی مادر قدمین قُوی گوزوم اوسته

لازمدی که حرمت ائده مهمانه،ابوالفضل


آتدان یخیلاندا یوزی اوستونده سوروندوم

 بو نوعی گلیب محضره،جبرانه ابوالفضل

۰ نظر موافقین ۰ مخالفین ۰ ۱۸ مهر ۹۶ ، ۱۲:۴۷
مجنون ابوالفضل (ع)


زینبدی آدیم حافظ  خون شهدایم


طاها گولویم شیر زن کربوبلایم


زهرادی آنام کان وفا کنز حیایم


شاگرد کلاس  شه نیکو  سیرم من

اهل حرمه درس وفا ئورگه درم من


ــــــــــــ


هر ایشده  کمک آلام  حق  لم یزلیدن


درس ادب و معرفت اورگشدیم علیدن


زهرا  قیزیام ،سن ده زنا زاده   یزیدن


باش اگمدی  ظلم و ستمه آل  رسالت

احسن بیله قارداشیمه کی ایتمدی بیعت


ــــــــــــــ


فکر ایلمه  قارداشیم ئولوب یوخدی  پناهیم


عرشه اوجالوب دهریده بو عزت و جاهیم


بو قصر  و دژ محکمون آخر یخار  آهیم


هر لحظه خدانین آدی واردی دهنیمده

قارداشیم حسینون قانی واردی بدنیمده


ـــــــــــــ


ویران اولا گر کاخ  ستم دینجه لرم من


شاماتی گزوب مجلس شومه ن گلرم من


یابن  الطلقا   باشیوه ده   کل  الرم  من


نطقیمله سنی دهریده من تنگه گتوررم

بو سلطنتین تختینی باشیوه چوورم

___________


من زینب  بی یارم  هواداریم   ئولوبدی


غملر بوکولوب قلبیمه غمخواریم ئولوبدی


نهر اوسته ئوزون قوللی علمداریم ئولوبدی


یابن  الطلقا  ساغر صبریم  جالانوبدی

دروازه ی ساعاتیده عمروم تالانوبدی



۰ نظر موافقین ۰ مخالفین ۰ ۱۸ مهر ۹۶ ، ۱۲:۴۳
مجنون ابوالفضل (ع)